ریاست مہاراشٹر کے شہر اورنگ آباد میں الفرحان میڈ یکل فاؤنڈیشن کی جانب سے بلڈ ڈونیشن کیمپ کا انعقاد کیا گیا جس میں مرد و خواتین نے بڑے پیمانے پر اپنے خون کا عطیہ پیش کیا۔
واضح رہے کہ گذشتہ آٹھ برسوں سے 'الفرحان میڈیکل فاؤنڈیشن' کی جانب سے بلڈ ڈونیشن کیمپ کا انعقاد کیا جا رہا ہے۔
شہر اورنگ آباد کی مشہور و معروف نوجوانوں پر مشتمل طبی فلاحی تنظیم 'الفرحان میڈ یکل فاؤنڈیشن' کی جانب سے مسلسل آٹھویں بار میگا بلڈ ڈونیشن کیمپ کا انعقاد عمل میں آیا جو ہر برس کی طرح امسال بھی نہایت کامیاب رہا۔
خیال رہے کہ اس میگا بلڈ ڈونیشن کیمپ میں 815 افراد نے اپنے خون کا عطیہ ضرورتمند مریضوں کے لیے دیا ہے۔
واضح رہے کہ اس کار خیر میں خواتین بھی پیچھے نہیں رہیں اور 89 خواتین نے اپنے خون کے عطیہ دیکر ایک مثال قائم کی۔
شہر کے معروف نوجوانوں سیاسی سماجی شخصیات و کاروباریوں کے علاوہ سوشل ورکرز نے بڑھ چڑھ کر اس میگا بلڈ ڈونیشن کیمپ میں حصہ لیا اور ضرورتمندوں کی مدد کو اپنا فرض سمجھا۔
عطیہ خون کیمپ کا آغاز صبح آٹھ بجے شروع ہوا جس کے اختتام کا وقت رات آٹھ بجے مقرر تھا لیکن عطیہ دہندگان کی کثیر تعداد کو دیکھتے ہوئے دیر رات تک کیمپ جاری رہا۔
الفرحان میڈیکل فاونڈیشن کے ذمہ داران نے بتایا کہ اس برس بلڈ ڈونیشن کیمپ کی اہمیت زیادہ تھی کیوں کہ کورونا کی وجہ سے ریاست بھر میں خون کی شدید قلت محسوس کی جارہی تھی۔
واضح رہے کہ ریاستی وزیراعلیٰ ادھوٹھا کرے اور وزرت راجیش ٹوپے کی جانب سے بڑے پیمانے پر خون عطیہ کیمپ منعقد کرنے کی اپیل کی گئی تھی۔
