اورنگ آباد: ریاست مہاراشٹر کے اورنگ آباد میں واقع ڈاکٹر بابا صاحب امبیڈکر مراٹھواڑہ یونیورسٹی کے سینیٹ ممبران نے مہاراشٹر گورنر کے خلاف میٹینگ میں قرار داد منظور کی۔
مہاراشٹر کے گورنر بھگت سنگھ کوشیاری پر الزام ہے کہ انہوں نے اورنگ آباد میں ایک پروگرم کے دوران شیواجی مہاراج کی توہین کی تھی، اسی کے پیش نظر گورنر کے نامزد کردہ سینیٹ رکن نے ہی گورنر کے خلاف قرار داد پیش کی Resolution Against Governor Maharashtra۔
ڈاکٹر بابا صاحب امبیڈکر مراٹھواڑہ یونیورسٹی کے سینیٹ ممبران نے ریاست کے گورنر بھگت سنگھ کوشیاری کے خلاف متحدہ طور پر ایک قرار داد منظور کر کے اسے گورنر ہاؤس روانہ کیا۔
یونیورسٹی کے سینیٹ ممبران کا الزام ہے کہ گورنر نے اورنگ آباد میں ایک پروگرام سے خطاب کے دوران چھتر پتی شیواجی مہاراج کے خلاف تو ہین آمیز الفاظ استعمال کیے جو کہ کسی بھی لحاظ سے مناسب نہیں ہے۔
سینیٹ ممبران کا کہنا ہے کہ گورنر کے اس عمل سے ان کے جذبات مجروح ہوئے ہیں۔
مزید پڑھیں:
قابل ذکر بات یہ ہے کہ گورنر کے نامزد کردہ سینیٹ رکن ایڈوکیٹ وجے پاٹل نے یہ قرار داد پیش کی جسے متفقہ طور پر منظور کر لیا گیا۔
