ضلع اننت ناگ کے مختلف کمیونٹی بلاکس میں'یوگیتا سے روزگار مہوتسو' (Yogyata Se Rozgar Mahotsav)کی پروقار تقاریب کا انعقاد کیا گیا، جس میں تقریبات کے دوران 30 تقرر شدہ ملازمین کا استقبال کیا گیا۔
تقریبات کے دوران حال ہی میں تقرر شدہ پنچایت اکاؤنٹس اسسٹنٹ(Panchayat Account Assistants) اور درجہ چہارم ملازمین(Class Fourth Employees) کو مبارکباد دی گئی۔ یہ تقریبات شانگس ،ویسو، ویری ناگ، چھترگل، شاہ آباد، کوکرناگ، دچھنی پورہ اور دیگر بلاکس میں منعقد کی گئیں۔
چھترگل اور کوکرناگ میں تقریب کی صدارت ڈی ڈی سی چیئرمین ایم یوسف گورسی(DDC Chairman Mohd Yousuf Gorsi) نے کی۔
مزید پڑھیں:Online Revenue Record: بجبہاڑہ میں اراضی ریکارڈ کے بارے میں آگاہی پروگرام
اس موقع پر خطاب کرتے ہوئے گورسی نے تقرر شدہ افراد کی محنت کی تعریفیں کی اور امید ظاہر کی کہ دوسرے نوجوان ان سے ترغیب لیں گے اور اپنے عزائم کو پورا کرنے کے لیے سخت محنت کریں گے۔
دیگر مقامات پر، تقریب کی صدارت متعلقہ بی ڈی سی چیئرپرسنز(BDC Chairpersons) نے کی، بی ڈی اوز اور پی آر آئی ممبران بھی اس موقع پر موجود تھے۔
