جنوبی کشمیر کے ضلع اننت ناگ کے پہلگام کے وڈہان علاقے میں پینے کے صاف پانی کی عدم دستیابی سے مقامی افراد محکمہ پی ایچ ای سے سخت نالاں ہے۔ مقامی لوگوں کے مطابق علاقے میں آج سے بیس سال قبل محکمہ پی ایچ ای نے ایک فلٹریشن پلانٹ نصب کیا تھا جسے محکمہ نے مقامی آبادی کے بجائے وہاں کے ہوٹلز کو اس کا پانی استعمال کرنے کی اجازت دی۔
مقامی لوگوں نے اپنی ناراضگی کا اظہار کرتے ہوئے کہاکہ 'محکمہ پی ایچ ای نے ہمارے ساتھ ناانصافی کی ہے آج سے تقریباً بیس برس سال قبل گاؤں میں فلٹریشن پلانٹ سے گاؤں کو پانی سپلائی کیا جاتا تھا تاہم نامعلوم وجوہات کی بنا پر چند سال پہلے سے پلانٹ کا پانی ہوٹلوں کو سپلائی کیا جانے لگا جس کی وجہ سے مقامی آبادی پینے کے صاف پانی سے محروم ہے۔
مزید پڑھیں: نیشنل کانفرس اسمبلی انتخابات سے دور نہیں رہے گی: فاروق عبداللہ
ستم ظریفی کا عالم یہ کہ اب مقامی آبادی کو ندی نالوں سے پانی حاصل کرکے استعمال کرنا پڑرہا ہے۔ لوگوں نے ضلع انتظامیہ اور محکمہ کے اعلیٰ حکام سے مطالبہ کیا ہے کہ اس فلٹریشن پلانٹ سے آبادی کو بھی پانی مہیا کرایا جائے۔
