انت ناگ: جموں و کشمیرکے ضلع انت ناگ کے بجبہاڑہ علاقہ میں فوج کی 3 راشٹریہ رائیفلز اور پولیس کی جانب سے مشترکہ کارروائی کے دوران دو مبینہ عسکریت پسندوں کو اسلحہ سمیت گرفتار کیا گیا۔ Two Alleged Militants Arrested
ذرائع کے مطابق پولیس کو مبینہ عسکریت پسندوں کی نقل و حمل کی مصدقہ اطلاع موصول ہونے کے بعد فوج کی 3 راشٹریہ رائیفلز کی جانب سے واگہامہ وپزن رابطہ سڑک پر ایک ناکہ قائم کیا، جس دوران وہاں سے گزر رہے دو مبینہ عسکریت کو موقع پر ہی گرفتار کیا گیا، جن کے قبضہ سے 2 پستول 2 میگزین اور 15 کارتوس بر آمد کئے گئے جن کا تعلق عسکری تنظیم انصار الغزوت الھند سے ہے۔
مزید پڑھیں:JeM Militant Arrested : ہندواڑہ میں جیش محمد کا عسکریت پسند گرفتار
گرفتار کئے گئے مبینہ عسکریت پسندوں کی شناخت واگہامہ بجبہاڑہ کا رہنے والے تنویر احمد بھٹ ولد علی محمد بھٹ، طفیل احمد ڈار ولد غلام حسن ڈار مڈورہ ترال کے طور پر ہوئی ہے۔ پولیس کی جانب سے اس سلسلہ میں ایک کیس درج کیا گیا ہے اور مزید تفتیش شروع کی گئی ہے۔
