اننت ناگ: 'مُمکن اسکیم' کے تحت نوجوانوں میں گاڑیاں تقسیم

ضلع ترقیاتی کمشنر اننت ناگ اور چیئرمین ڈی ایل آئی سی ڈاکٹر پیوش سنگلا نے ڈسٹرکٹ لیول امپلائمنٹ کمیٹی کے افسران سے ملاقات میں 'مُمکن اسکیم' کے نفاذ کا تفصیلی جائزہ لیا۔ ڈی سی نے اس موقع پر کہا کہ 'ممکن اسکیم' بے روزگار نوجوانوں کو خود مختار بنانے کا ایک معقول ذریعہ ہے۔ اس اسکیم کے تحت انہیں سبسڈی پر ہلکی کمرشل گاڑیاں ملتی ہیں'۔

ضلع اننت ناگ کے ڈاک بنگلو میں منعقدہ ایک تقریب میں 'ممکن اسکیم' کے دوسرے مرحلے کے تحت ضلع کے مختلف علاقوں سے تعلق رکھنے والے نوجوانوں میں مذکورہ اسکیم کے تحت 12 گاڑیاں فراہم کرائی گئیں۔

اس سے قبل ضلع ترقیاتی کمشنر اننت ناگ اور چیئرمین ڈی ایل آئی سی ڈاکٹر پیوش سنگلا نے ڈسٹرکٹ لیول امپلائمنٹ کمیٹی کے افسران سے ملاقات میں 'مُمکن اسکیم' کے نفاذ کا تفصیلی جائزہ لیا۔ ڈی سی نے اس موقع پر کہا کہ 'ممکن اسکیم' 'بے روزگار نوجوانوں کو خود مختار بنانے کا ایک معقول ذریعہ ہے۔ اس اسکیم کے تحت انہیں سبسڈی پر ہلکی کمرشل گاڑیاں ملتی ہیں'۔

انہوں نے مزید کہا کہ ضلع میں اس طرح کی کئی اسکیمیں بے روزگار نوجوانوں کو خودمختار بنانے کے لیے کام کر رہی ہیں۔
ڈاکٹر سنگلا نے متعلقہ افسران پر زور دیا کہ وہ مزید مستحق نوجوانوں کو اس اسکیم کے دائرے میں لائیں۔ انہوں نے نوجوانوں سے بھی اپیل کی کہ وہ آگے آئیں اور اس اسکیم سے استفادہ کریں۔