پہلگام: تلہاڈ عشمقام اننت ناگ کے لوگوں نے مطالبہ کیا ہے کہ ان کے گاﺅں کو پنچایتی حلقہ سے جوڑا جائے۔ علاقے کے لوگوں کے مطابق علاقہ کو میونسپل کمیٹی عشمقام کے ساتھ رکھا گیا لیکن تب سے یہاں پر کوئی بھی تعمیراتی کام نہیں ہوا ہے۔
ای ٹی وی بھارت کے ساتھ بات کرتے ہوئے تلہاڈ عشمقام کے لوگوں نے کہا ہے کہ ان کا علاقہ دہائیوں سے بنیادی سہولیات سے محروم ہے، کیونکہ علاقہ کو پندرہ برس قبل میونسپل کمیٹی عشمقام کے ساتھ جوڑا گیا ہے۔
لوگوں کے مطابق عوام نے اس فیصلے کے خلاف پہلے سے تھے کیونکہ علاقے میں کوئی بھی تعمیر و ترقی کا کام انجام نہیں دیا گیا ہے۔
علاقہ کے لوگوں نے کہا ہے کہ چونکہ یہ گاﺅں بیک وارڈ قرار دیا گیا تھا تو پھر اس کو میونسپل کمیٹی کے ساتھ کیسا جوڑا جاسکتا ہے۔
مقامی لوگوں نے متعلقہ حکام خاص کر ضلع انتظامیہ سے اپیل کی ہے کہ ان علاقہ تلہاڑ کو پھر سے پنچائت حلقہ کے ساتھ جوڑا جائے تاکہ پنچائتی سطح پر جو بنیادی کام ہورہے ہیں اس کا فائدہ انہیں بھی مل پائے۔
