کشمیر: سڑک حادثہ میں ٹریکٹر ڈرائیور ہلاک

جنوبی کشمیر کے ضلع اننت ناگ میں دلدوز سڑک حادثے میں ٹریکٹر ڈرائیور کی موت جائے حادثہ پر ہو گئی۔

ضلع اننت ناگ کے کانڈیوارہ، کوکرناگ علاقے میں ایک ٹریکٹر کھائی میں جا گرا جس میں ٹریکٹر ڈرائیور کی موقعے پر ہی موت واقع ہو گئی۔

نمائندے کے مطابق کوکر ناگ کے کانڈی وارہ علاقے سے تعلق رکھنے والے 25 سالہ رئوف احمد بٹ ہفتہ کی صبح ٹریکٹر لیکر گھر سے نکلے اور مہری پورہ کے مقام پر ٹریکٹر بے قابو ہو کر کھائی میں جا گرا۔

حادثے میں ٹریکٹر ڈرائیور روف احمد کی موقعے پر ہی موت واقع ہو گئی۔

حادثے کی اطلاع ملتے ہی کوکر ناگ پولیس جائے واردات پر پہنچ گئی۔