1971 کی ہند و پاک جنگ میں بھارت کی جیت کی سالگرہ منانے کے لئے سورنم وجے ورش مشعل جموں و کشمیر کے ضلع اننت ناگ پہنچ گئی، اس سلسلے میں قاضی گنڈ سے اننت ناگ میں قائم فوج کی 1 سیکٹر راشٹریہ رائفلز ہیڈکوارٹرز تک فوج نے روڈ شو کا اہتمام کیا اور ملک کی یکجہتی اور سالمیت کے حوالے سے پیغام دیا۔
سورنم وجے ورش مشعل
اس موقع پر فوجی افسران نے 1971 میں ہوئے جنگ سے متعلق بھارتی جانبازوں کی ہمت اور حوصلہ کو سلام پیش کرتے ہوئے کہا کہ اس جنگ میں پاکستان کو عظیم شکست دی گئی۔
بعد ازاں 1 سیکٹر راشٹریہ رائفلز ہیڈکوارٹر میں ایک تقریب منعقد کی گئی، اس موقع پر مختلف تمدنی ثقافتی پروگرام بھی پیش کئے گئے۔
