ضلع اننت ناگ ٹرانسپورٹ ایسوسی ایشن کی جانب سے سرینگر کی پریس کالونی میں انتظامیہ کے خلاف جم کر احتجاج کیا گیا۔ اطلاع کے مطابق بی ڈی سی اور پنچایت انتخابات کے دوران انتظامیہ نے ٹرانسپورٹ ایسوسی ایشن کی 428 گاڑیوں کو انتخابی ڈیوٹی میں استعمال کیا تھا۔
احتجاجیوں کے مطابق 9 ماہ کا لمبہ عر صہ گزرنے کے باوجود بھی انتظامیہ نے ان کے کرائے واگزار نہیں کیے ہیں، جس کے پیش نظر ٹرانسپورٹ ایسوسی ایشن نے انتظامیہ کے خلاف برہمی کا اظہار کرتے ہوئے احتجاج کیا۔
مزید پڑھیں: مرکزی وزیر ریل نے کٹرا میں واقع ماتا ویشنو دیوی ریلوے اسٹیشن کا دورہ کیا
احتجاج کے دوران ٹرانسپورٹرز نے اپنے ہاتھوں میں پلے کارڈس اٹھا رکھے تھے، جن پر یہ نعرے آویزان تھے کہ 'ہمارے ساتھ انصاف کرو' جبکہ مذکورہ ایسوسی ایشن نے انتظامیہ سے اپیل کیا ہے ان کے کرائے جلد سے جلد واگزار کیے جائیں۔