سکریٹری نیشنل فاؤنڈیشن فار کمیونل ہارمنی (این ایف سی ایچ) منوج پنت نے آج جنوبی کشمیر کے ضلع اننت ناگ کا دورہ کرکے ضلع بھر میں این ایف سی ایچ سکیم کے نفاذ کا جائزہ لیا۔
میٹنگ میں ضلع ترقیاتی کمشنر ڈاکٹر پیوش سنگلا ،محکمہ سماجی بہبود کے ضلع افسر ڈاکٹر پیرزادہ فرحت و دیگر افسران کے علاوہ مستحقین کی ایک بڑی تعداد نے شرکت کی۔
میٹنگ کے دوران بتایا گیا کہ اسکیم کے تحت ان بچوں کی تعلیم کے لیے مالی معاونت فراہم کی جاتی ہے جو فرقہ وارانہ، ذات پات، نسلی یا مسلح شورش کا شکار ہوتے ہیں۔
میٹنگ کے دوران اس بات کی جانکاری دی گئی کہ ضلع میں 123 مستحق طلبہ میں 22.72 لاکھ روپئے تعلیم کے لیے تقسیم کیے گئے ہیں۔ وہیں مستقبل میں مزید 105 طلبہ کو اسکالرشپ کی رقم مل جائے گی۔
میٹنگ میں مزید آگاہی دیتے ہوئے کہا گیا کہ ضلع میں 20 نئے کیسوں کی نشاندہی کی گئی ہے اور ان کی منظوری کے لیے دستاویزات، متعلقہ حکام کو بھیج دے گئے ہیں۔
مزید پڑھیں: اننت ناگ میں گاڑیاں چوری کرنے والے گروہ کا پردہ فاش
ضلع انتطامیہ اننت ناگ کے متعلقہ حکام کو قابل ستائش کام پر سیکرٹری کی جانب سے سراہنا کی گئی۔ سیکرٹری نے متعلقہ افسر کو ہدایت دی کہ وہ مزید جائزہ لیں اور اہل بچوں کی شناخت کرے تاکہ اسکیموں میں ان کے اندراج کو یقینی بنایا جا سکے۔
