Renovation and repair work started at ChinaWood Bijbehara: بجبہاڈہ واقع چینہ وُڈر میں تزعین کاری اور مرمتی کا کام شروع

محکمہ سیاحت کی جانب سے از سر نو مرمت کا کام شروع کیا گیا، Renovation and repair work started at ChinaWood اور آنے والے دنوں میں اسے پھر سے وادی آنے والے سیاحوں کے نام وقف کیا جائے گا۔

جنوبی ضلع اننت ناگ کے حلقہ انتخاب بجبہاڈہ میں قائم چینہ وُڈر ChinaWood Bijbehara in Anantnag District نامی علاقہ جو ایپل ویلی کے نام سے کافی مشہور و معروف ہے، اسے مزید جازب نظر بنانے کے لئے محکمہ سیاحت نے چند سال قبل سیاحوں کو راغب کرنے کے غرض سے علاقے میں بلوہِل رسارٹ (ریستوران) کا قیام عمل میں لایا، جس کے صحن میں نہ صرف سیب کے باغ موجود ہیں بلکہ مقامی علاقہ سے وابستہ کئی افراد کا روزگار بھی اسی رسارٹ پر منحصر تھا، جن میں مختلف اقسام کی دکانیں بھی شامل ہیں۔

بلو ہل رستوراں میں قیام پزیر دوکانداروں کے مطابق انہوں نے 2019 میں چینہ وڈدر میں دوکانیں کانٹریکٹ پر لی تھی، جبکہ کچھ عرصہ بعد ہی مرکزی سرکار کی جانب سے دفعہ 370 کی منسوخی عمل میں لائی گئی، جس کی وجہ سے کشمیر میں تمام تجارتی سرگرمیاں ٹھپ ہو گئی، جبکہ سال 2020 میں پھر کچھ شر پسند عناصر کی جانب سے چینہ وڈدر میں قائم ریستوراں کو آگ لگادی گئی، جس کے بعد چینی وڈدر کو سیاحوں کے لئے بند رکھا گیا، نتیجتاً ریستوراں کے ارد گرد جتنی بھی دکانیں تھی، وہ تمام دوکاندار روزی روٹی سے محروم ہو گئے۔ اور کئی نوجوان بے روز گار ہو گئے، جبکہ دکانداروں نے اس ریستوراں کو از سر نو تعمیر کرنے کی مانگ کی تھی۔ ای ٹی وی بھارت کی خبر کے بعد یہ معاملہ محکمہ سیاحت کے ڈائریکٹر جی این ایتو کی نوٹس میں لایا گیا۔

انہوں نے یقین دہانی کرائی کہ مذکورہ ریستوران کو نئے سرے سے تعمیر کیا جائے گا، انہوں نے کہا کہ محکمہ اسے بہتر اور منفرد بنانے کے لئے باضابطہ طور پر رقومات مختص رکھی گئی ہے، اور آنے والے وقت میں اس کو باضابطہ طور پر فعال بنایا جائے گا۔

اس کے تحت آج محکمہ سیاحت کی جانب سے از سر نو مرمت کا کام شروع کیا گیا، Renovation and repair work started at ChinaWood اور آنے والے دنوں میں اسے پھر وادی آنے والے سیاحوں کے نام وقف کیا جائے گا، ریسارٹ کی عمل آوری سے نہ صرف سیاحتی شعبے کو فروغ ملے گا، بلکہ کئی افراد کا روزگار بھی واپس پٹری پر لوٹ جائے گا۔