ککرناگ کے کچھون علاقے میں منگل کے روز ایک تصادم آرائی کے دوران جیش محمد نامی عسکریت پسند تنظیم سے وابستہ دو عسکریت پسند مارے گئے۔
مہلوک عسکریت پسندوں میں سے فیصل نذیر میر ولد نذیر احمد میر ساکن کھار بگ سری، انجینئرنگ گریجویٹ تھا اور قریب ڈیڑھ ماہ قبل عسکریت پسندوں کی صفوں میں شامل ہوا تھا۔
موصولہ اطلاعات کے مطابق اننت ناگ قصبہ اور ملحقہ علاقوں میں بازاروں میں تمام دکان بند، تجارتی سرگرمیاں معطل اور سڑکوں پر ٹریفک کی نقل وحمل مفلوج رہی۔
سرکاری دفاتر اور بنکوں میں بھی کام کاج متاثر رہا۔
دریں اثنا حکام نے ضلع میں اعلیٰ تعلیمی اداروں میں تدریسی عمل کو احتیاطی طور معطل رکھنے کا حکم نامہ جاری کیا تھا۔
حکام نے ضلع کے حساس مقامات پر ممکنہ احتجاجی مظاہروں کی روک تھام کے لیے بھاری تعداد میں سیکورٹی فورسز کی نفری کو تعینات کیا تھا۔
