اننت ناگ پولیس نے آج پوست کی غیرقانونی کاشت کے خلاف بڑے پیمانہ پر مہم چلاتے ہوئے بجبہاڈہ میں 20 کنال اراضی میں پھیلی پوست کی کاشت کو تباہ کردیا۔
بجبہاڈہ میں پولیس نے انسداد منشیات مہم کے تحت آکورہ پالپورہ نانیل، آنگ مٹی پورہ، اور نمبل وغیرہ علاقوں میں پوسٹ کی کاشت کو تباہ کردیا، یہاں تقریباً 20 کنال اراضی میں پوست کی کاشت کی جارہی تھی۔
ایس ایس پی اننت ناگ امتیاز حسین کی سخت ہدایات پر ایس ایچ او، متن کی سربراہی میں پولیس ٹیم نے ایکسائز اور ریونیوں محکموں کے عہدیداروں کے ساتھ ملکر پوست کی کاشت کے خلاف مہم چلائی اور کاشت کو تباہ کیا گیا۔
اس دوران عوام سے غیرقانوی پوست کی کاشت کے خلاف پولیس کا تعاون کرنے کی اپیل کی گئی۔ عوام سے پڑوس میں کی جارہی ممنوعہ کاشت سے متعلق محکمہ کو اطلاع دینے کی گذارش کی گئی۔ پولیس نے منشیات فروشی اور ممنوعہ فصلوں کی کاشت میں ملوث افراد کے خلاف سخت قانونی کارروائی کرنے کا انتباہ دیا ہے۔
