اننت ناگ میں منشیات کے خلاف بڑے پیمانے پر کریک ڈاؤن

اننت ناگ پولیس نے منشیات کے خلاف کارروائی میں منشیات فروش کو گرفتار کیا ہے۔ تو وہیں ان کے قبضے سے ممنوعہ مادہ بھی برآمد کیا گیا۔

جنوبی کشمیر کے اننت ناگ میں پولیس نے منشیات کی لعنت کے خلاف اپنی جنگ جاری رکھتے ہوئے منشیات فروش کو گرفتار کر لیا ہے، اور اس کے قبضے سے ممنوعہ مادہ برآمد کیا ہے۔

تفصیلات کے مطابق پولیس تھانہ بجبہاڑہ کو منشیات فروشی کے کاروبار کے بارے میں ایک خفیہ اطلاع موصول ہوئی تھی، جس کے بعد پولیس نے کارروائی کرتے ہوئے گلزار احمد نائیکو ولد غلام احمد نائیکو ساکنہ تلخن بجبہاڑہ کے رہائشی گھر کی تلاشی لی اور تلاشی کے دوران رہائشی گھر کے apple orchard میں چھپائے گئے 5 کلو گرام چرس، ایک ڈیجیٹل ویٹنگ مشین، اور چرس بنانے کا کچھ ساز و سامان ضبط کر لیا گیا ہے۔

اننت ناگ میں منشیات کے خلاف بڑے پیمانے پر کریک ڈاؤن

اس حوالے سے این ڈی پی ایس ایکٹ کے تحت ایف آئی آر نمبر 265/2021 تھانہ بجبہاڑہ میں درج کیا گیا جبکہ منشیات فروش کو موقعہ پر ہی گرفتار کر لیا گیا۔

واضح رہے کہ گزشتہ کئی روز سے حلقہ انتخاب بجبہاڑہ کے کئی علاقوں میں پولیس کی جانب سے ایسی کارروائیاں عمل میں لائی گئی ہے، جس پر مختلف شعبوں سے وابستہ لوگوں نے پولیس کے اس اقدام کی ستائش کی ہے۔