اچھہ بل: بجلی ملازم کرنٹ لگنے سے ہلاک

جنوبی کشمیر کے ضلع اننت ناگ کے اچھہ بل علاقے میں آج بجلی ملازم کرنٹ لگنے سے ہلاک ہوگیا ہے۔

اطلاع کے مطابق جنوبی کشمیر کے ضلع اننت ناگ کے جوگی گنڈ اچھہ بل علاقے میں آج محکمۂ بجلی کا ایک ملازم کرنٹ لگنے سے ہلاک ہوگیا۔

تفصیلات کے مطابق شر پورہ اننت ناگ کے رہائشی غلام محی الدین ٹرانسفارمر کی مرمت کے دوران حادثاتی طور پر ایک زندہ تار کے رابطے میں آنے سے زخمی ہوگئے۔

اگرچہ زخمی ملازم کو علاج کے لیے ایس ڈی ایچ ہسپتال اچھہ بل پہنچایا گیا تاہم ان کی حالت تشویش ناک ہونے کے پیش نظر انہیں جی ایم سی ہسپتال اننت ناگ منتقل کردیا گیا۔ ہسپتال پہنچنے کے بعد ڈاکٹروں نے مذکورہ شخص کو مردہ قرار دیا۔