ریڑھی والوں نے اننت ناگ کے مصروف ترین مقامات خاص کر لال چوک، گانجی واڑہ، مٹن چوک و دیگر علاقوں کی سڑکوں پر قبضہ جمایا ہے جس کی وجہ سے راہگیروں کو مشکلات پیش آرہی ہیں تاہم ان اہم شاہراہوں پر ریڑی والوں کی وجہ سے ہر روز ٹریفک جام ہورہا ہے جس کی وجہ سے بیمار افراد کو ہسپتال منتقل کرنے میں بھی کافی مشکلات پیش آرہی ہیں۔
اگرچہ ضلع انتظامیہ کی جانب سے گزشتہ برس گنجان مقامات پر موجود متعدد سومو اسٹینڈز کو دوسری جگہ منتقل کیا گیا تھا تاکہ ٹریفک نظام کو بہتر بنایا جاسکے لیکن خوانچہ فراشوں کے غیرقانونی قبضوں کو ہٹانے کےلیے ابھی تک انتظامیہ کی جانب سے کچھ نہیں کیا گیا۔
یہ بھی پڑھیں:
اننت ناگ: بنیادی ضروریات کی عدم موجودگی کے خلاف احتجاج
مقامی لوگوں نے انتظامیہ سے اس سلسلہ میں سنجیدگی کا مظاہرہ کرتے ہوئے غیرقانونی قبضوں کو ہٹانے کا مطالبہ کیا تاکہ عوام کو راحت پہنچ سکے۔ لوگوں نے اس سلسلہ میں فوری طور پر ٹھوس اقدامات کرنے کی بھی انتظامیہ سے اپیل کی ہے۔
