سرکاری ذرائع نے بتایا کہ این آئی اے کی ٹیموں نے ہفتہ کی صبح جموں و کشمیر کے چودہ مقامات پر چھابے مارے ہیں۔ چھاپے مار کاوائی میں قومی تحقیقاتی ایجنسی کے ساتھ جموں و کشمیر پولیس اور سی آر پی ایف کے اہلکار بھی موجود تھے۔
قومی تفتیشی ایجنسی کے مطابق آئی ای ڈی ریکوری کیسز کے سلسلے میں جموں و کشمیر کے 14 مقامات پر چھاپے مار کاروئی کی گئی ہے۔ ذرائع نے بتایا کہ این آئی اے ٹیموں نے چھاپہ مار کارروائیوں کے دوران ابھی تک کوئی گرفتاریاں عمل میں نہیں لائی ہیں۔
قومی تحقیقاتی ایجنسی (این آئی اے) نے ہفتے کے روز علی الصبح جموں کشمیر کے مختلف اضلاع کے تقریباً 14 مختلف مقامات پر چھاپے مارے، جن میں حلقہ انتخاب کوکرناگ کا صوف شالی علاقہ بھی قابل ذکر ہے۔
ذرائع سے موصول ہوا ہے کہ قومی تحقیقاتی ایجنسی نے کوکرناگ پولیس کے ہمراہ صوف شالی کے رہنے والے ارشاد احمد کے گھر پر چھاپہ مارا جو آخری اطلاع ملنے تک جاری ہے۔
حالانکہ ارشاد احمد 6 ماہ قبل ہی جموں پولیس کی حراست میں ہے۔ ذرائع نے بتایا ہے کہ ارشاد چندی گڑھ میں ڈگری حاصل کرنے کے لیے گیا تھا، جسسے پولیس نے کسی کیس کے سلسلے میں حراست میں لیا ہے جو ابھی بھی ان کی تحویل میں ہے۔
