ریلی میں پارٹی کے سینکڑوں کارکنان کے علاوہ پارلیمانی حلقہ اننت ناگ سے امیدوار صوفی یوسف کے ساتھ پارٹی کے ترجمان شاہنواز حسین نے بھی شرکت کی۔
اپنی تقریر میں شاہنواز حسین نے کہا کہ 'کشمیری نوجوان جاگ چکا ہے اور آج کشمیری عوام مودی مودی کے نعرے لگا کر اس بات کا اظہار کر رہا ہے کہ یہاں کا نوجوان بے روزگاری سے نجات چاہتا ہے اور اس کا حل نریندر مودی کے پاس ہے۔ اور بی جے پی یہاں کے نوجوانوں کے ہاتھ میں ہتھیار کی جگہ قلم دیکھنا چاہتی ہے'۔
'پاکستان مرغی کے انڈے اور گدھا بیچ کر ملک کو چلا رہا ہے'
شاہنواز حسین نے میڈیا سے مخاطب ہوتے ہوئے کہا کہ پلوامہ حملے کے بعد احتیاطی طور پر قومی شاہراہ پر پابندی عائد کر دی گئی ہے اور وہ جلد ہی پاکستان کو سبق سکھائیں گے۔ اور یہ بھی کہا کہ اب پاکستان کے پاس عسکریت پسندوں کو مالی مدد فراہم کرنے کے لیے پیسے نہیں ہے اور وہ مرغی کے انڈے اور گدھے بیچ کر اپنا ملک چلا رہا ہے۔
