گھر میں بنا سکتے ہیں آکسیجن، نوجوان کا دعویٰ

ملک بھر میں آکسیجن کے سلنڈر حاصل کرنے کے لیے لمبی قطاروں کی تصاویر دیکھی جا سکتی ہیں، کیونکہ ملک میں میڈیکل آکسیجن کی رسد طلب سے کہیں کم ہے۔ ایسے میں ایک نوجوان نے گھر میں آکسیجن تیار کرنے کا دعویٰ کر رہا ہے۔

مرکز کے زیر انتظام جموں و کشمیر کے ڈورو اننت ناگ سے تعلق رکھنے والے نائیک قیوم نام کے نوجوان نے گھر میں آکسیجن تیار کرنے کا طریقہ تلاش کرنے کا دعویٰ کیا ہے۔

23 سال کی عمر کے نائیک قیوم نامی نوجوان کا کہنا ہے کہ اس نئے طریقے سے متاثرہ مریضوں کو بر وقت آکسیجن فراہم کیا جا سکتا ہے اور اسپتالوں پر مریضوں کے دباؤ کو کم کیا جاسکتا ہے۔

نائیک قیوم نے بتایا کہ ایک کنٹینر بنانے کے لیے مجھے 50 سے 100 روپیہ لگیں گے۔ اس سے ایک مریض کو 24 گھنٹے آکسیجن مہیا کرا سکتے ہیں۔

قیوم کا کہنا ہے کہ اگر چہ مارکٹ میں پہلے سی ہی آکسیجن بنانے والی مشینیں دستیاب ہیں، لیکن ان کی بھاری قیمت کی وجہ سے غریب عوام ان مشینوں کو خرید نہیں پاتے اور ان کی بنائی ہوئی مشین لوگوں کو بہت ہی کم قیمت میں دستیاب ہو گی۔

قیوم کی یہ مشین کتنی کارگر ثابت ہوگی، یہ آنے والا وقت ہی بتائے گا۔