جنوبی کشمیر میں محمکہ کھیل کود Sports Department نے اسکولی بچوں کے علاوہ غیر اسکولی بچوں کے لیے محتلف کھیل مقابلوں کا انعقاد کیا تھا جس میں کرکٹ، والی بال، کبڈی، اور کھو کھو جیسے کھیل شامل کیے گئے تھے۔ یہ محمکہ کھیل کود کی جانب سے 16دسمبر سال 2021 سے شروع کیا گیا تھا۔
پنچائیتی سطح کے ساتھ ساتھ انٹر بلاک سے جیت حاصل کرنے والی ٹیموں کو اب بلاک لیول پر بھی کھیلنے کا موقع ملے گا، جس کا افتتاح آج ضلع پلوامہ کے اسپورٹس سٹیڈیم Sport Stadium سے کیا گیا۔اس کھیل کود مقابلوں کا انقعاد اب بلاک لیول پر کیا جارہا ہے، جس کا افتتاحی میچ کبڈی سے ہوا۔
اطلاع کے مطابق ان کھیل مقابلوں میں 10000 ہزار کے قریب بچوں نے شرکت کی۔ وائی ایس ایس کپ کا انقعاد محمکہ کھیل کود نے اس غرض سے کیا تھا کہ غیر اسکولی بچوں کو بھی کھیل کود میں مصروف رکھا جائے اور نوجوان کو منشیات سے دور رکھا جائے۔
اس سلسلے میں محمکہ کھیل کود کے افسر نورالحق نے کہا کہ محمکہ نے غیر اسکولی بچوں کے لیے وائی ایس ایس کپ کا اہتمام کیا تھا تاکہ غیر اسکولی بچوں کو بھی کھیل کود سے جوڑا جائے۔
- مزید پڑھیں: ادھمپور میں وائی ایس ایس کپ 2021 کا افتتاح
انہوں نے کہا کہ اس بلاک لیول ٹورنامنٹ میں ضلع پلوامہ کے 11 بلاکوں سے کل 66 ٹیمیں حصہ لے رہی ہے جو مختلف کھیل سرگرمیوں میں حصہ لیں گی۔ انہوں نے کہا کہ اس پروگرام کا مقصد نوجوانوں کو منشیات سے دور رکھے جانے کے ساتھ ہی نوجوانوں کو کھیل کود میں حصہ لینے کا موقع فراہم کیا جائے۔
