ضلع اننت ناگ کے واگہامہ علاقہ میں اکونومک ریکنسٹرکشن ایجنسی نے لوگوں کو راحت پنہچانے کی غرض سے ایک منصوبے کے تحت واگہامہ سے کھرم رابطہ سڑک پر تعمیراتی کام شروع کیا تھا،تاہم دو سال گزر جانے کے بعد یہ سڑک مکمل طور پر تعمیر نہیں ہو سکی۔
لوگوں کا کہنا ہے کہ واگہامہ سے شالگامRoad work In Shaligam Waghama تک بننے والی چار کلومیٹر رابطہ سڑک پر اگرچہ شدومد سے تعمیراتی کام شروع کیا گیا تھا، لیکن نا معلوم وجوہات کی بنا پر سڑک کا تعمیراتی کام روک دیا گیا ہے۔
مقامی لوگوں کے مطابق اگر یہ رابطہ سڑک بن جاتی تو گنجان آبادی والے علاقے کو سہولیت پہنچتی، جبکہ علاقے میں میوہ صنعت سے وابستہ لوگوں کو میوہ فروخت کرنے میں بھی آسانی ہو جاتی۔
اس حوالے سے جب ای ٹی وی بھارت کے نمائدے نے اکنامک ریکنسٹرکشن ایجنسی کے اسسٹنٹ ایگزیکیٹو انجینئر محمد ایوب سے بات کی، تو انہوں نے کہا کہ مقامی لوگوں نے زمین کا معاوضہ نہ ملنے کے سبب عدالت سے اس سڑک پر سٹے آرڈر لایا ہے جس کے بعد مذکورہ سڑک پر تعمیراتی کام کو روکنا پڑا۔
انہوں نے کہا کہ جیسے ہی لوگوں کو معاوضہ فراہم کیا جائے گا محکمہ سڑک پر تعمیراتی کام کو مکمل کر کے لوگوں کے نام وقف کریں گے۔
