چرار شریف درگاہ پر منعقد تقریب پر روز نامہ برائیٹر کشمیر کے مدیر فاروق احمد وانی کو اعزاز سے نوازا گیا۔ واضح رہے 26 جنوری کو فاروق وانی کو حکومتی اعزاز سے نوازا گیا ہے اور اس مناسبت سے کشمیر مرکز ادب و ثقافت نے ان کے اعزاز میں اس تقریب کا انعقاد کیا۔
ویڈیو
آپ کو بتا دیں کہ فاروق احمد وانی چرار شریف کے باشندہ ہونے کے علاوہ کشمیر مرکز ادب و ثقافت کے رکن بھی ہیں۔ اس موقع پر موجود ادیبوں و قلمکاروں نے کہا کہ یہ اعزاز چرار شریف کو ملا کیونکہ فاروق احمد اسی ذرخیز زمین کے ایک قابل صحافی ہیں۔
انہوں نے کہا کہ کورونا دور میں فاروق احمد نے زبردست کام کیا ہے۔ متولی زیارت شریف حاجی یونس نے فاروق احمد کو اعزاز ملنے پر مبارکباد دی۔ انہوں نے کہا کہ یہ اعزاز قصبہ چرار شریف کے لیے باعث صد افتخار اور قابل یقین ہے۔
