ہر سال 12 جون کو بچہ مزدوری کے خلاف عالمی دن منایا جاتا ہے اس موقع پر ڈسٹرکٹ لیگل سروس اتھارٹی اننت ناگ نے متعلقہ موضوع پر ایک ویبنار کا اہتمام کیا۔
وبینار میں ضلع کے ڈسٹرکٹ لیگل سروسز اتھارٹی ( ڈی ایل ایس اے) اور، ٹی ایل ایس سی، کے جوڈیشل افسران ، پینل وکلاء ، پیرا لیگل رضاکاروں اور اسٹاف ممبروں نے شرکت کی۔
اس وبینار پروگرام کا بنیادی مقصد چائلڈ لیبر کے نقصان دہ اثرات کے بارے میں لوگوں کو آگاہ کرنا تھا اس کے علاوہ اس پر قابو پانے کے لئے قانونی دفعات کے بارے میں جانکاری فراہم کرنا تھا
پرنسپل ڈسٹرکٹ اینڈ سیشن جج (چئیرمین ڈی ایل ایس اے) اننت ناگ ، نصیر احمد ڈار نے اس پروگرام میں بطور مہمان خصوصی شرکت کی اور تقریب کی نگرانی کی ۔
وہیں اسسٹنٹ پروفیسر مدثر رسول اور چیئرپرسن چائلڈ ویلفیئر کمیٹی اننت ناگ ڈاکٹر توحیدہ مخدومی نے بطور اسپیکر شرکت کی۔
ویبنار کی میزبانی سب جج و ڈی ایل ایس اے اننت ناگ کے سکریٹری میر وجاہت نے کی۔
یہ پروگرام جے کے لیگل سروسز اتھارٹی کی ہدایت پر منعقد کیا گیا تھا اور پروگرام رواں ماہ کے ایکشن پلان کا حصہ تھا۔
