اننت ناگ : ملک بھر میں کشمیری دستکاروں نے اپنی ایک الگ چھاپ بنائی ہیں کشمیر کی دستکاری کا ملک کے ساتھ ساتھ بیرونی ممالک میں بھی اپنا ایک مقام ہے لیکن کشمیر کے دستکار کافی مایوس نظر آ رہے ہیں۔ مختلف شعبوں سے وابستہ دستکار کافی پریشان ہیں کیونکہ انہیں اپنے کام کا بھرپور معاوضہ نہیں مل رہا ہے ۔
بھارتیہ جنتا پارٹی کی جانب سے اننت ناگ میں ووکل فار لوکل پروگرام کے تحت ایک تقریب کا اہتمام منعقد ہوا۔ جس میں کشمیری دستکاروں نے بڑھ چڑھ کر حصہ لیا اور اپنے ہنر کو نمایاں کیا ۔ اس موقع پر کشمیری دستکار کافی مایوس نظر آ رہے تھے ان کے مطابق کشمیر میں گبہ سازی، قالین سازی، تیلہ سازی کشمیر کی خاص دستکاریوں میں شمار کی جاتی ہے مگر سرکار کی عدم توجہی کی وجہ سے یہ صنعت اب ختم ہونے والی ہیں کیونکہ انہیں اچھا مارکیٹ فراہم نہ ہونے کے وجہ سے کافی مشکلات کا سامنا کرنا پڑتا ہے ان کی مالی حالت بھی خراب ہورہی ہے ۔ جس کی وجہ سے اس صنعت سے وابستہ افراد دوسرے کاموں کو ترجیح دے رہے ہیں۔ Kashmiri Handicrafts
