جنوبی کشمیر کے ضلع اننت ناگ میں ضلع ترقیاتی کونسل کوکرناگ کے ممبر محمد سلیم پرے نے مختلف محکموں کے عہدیداروں کی میٹنگ طلب کی اور مختلف ترقیاتی سرگرمیوں کی پیش رفت کا جائزہ لیا۔
اس موقع پر خطاب کرتے ہوئے انہوں نے متعلقہ افسران پر زور دیا کہ وہ مختلف فلاحی اسکیموں کو زمینی سطح پر نافذ کریں اور ان کی عمل آوری میں مزید شفافیت لائیں، تاکہ علاقہ کی ترقی اور لوگوں کی فلاح و بہبود کو یقینی بنایا جا سکے۔
ڈی ڈی سی ممبر نے متعلقہ افسران سے کہا کہ وہ ترقیاتی منصوبوں میں شامل تمام منصوبوں کی بروقت تکمیل کو یقینی بنائیں۔
مزید پڑھیں:Solar Agri Pump in Anantnag: اننت ناگ میں سولر ایگریکلچر پمپ کا افتتاح
اس موقع پر عوام کو، گولڈن کارڈز اور دیگر فلاحی اسکیمز کے بارے میں گفت و شنید کی گئی اور ان اسکیمز کو جلد سے جلد عوام تک پہنچانے پر زور دیا گیا۔ اجلاس میں کئی محکموں کے نمائندوں اور عام لوگوں نے شرکت کی۔
