ڈی ڈی سی امیدواروں سے خاص بات چیت

جموں و کشمیر ڈی ڈی سی انتخابات کے آخری مرحلے کے تحت اننت ناگ کے بجبہاڑہ بلاک میں ووٹنگ پُرامن طور پر اختتام پذیر ہوئی۔ اس میں ووٹرز نے بڑھ چڑھ کر حصہ لیا۔

ڈی ڈی سی انتخابات کے آخری اور آٹھویں مرحلے کے تحت پولنگ کا عمل مکمل ہوگیا۔ اننت ناگ کے بجبہاڑہ بلاک میں بھی ووٹرز نے پولنگ مراکز پر پہنچ کر اپنے حق رائے دہی کا استعمال کیا۔

یہاں پر کل 8 امیدوار میدان میں ہیں جن میں دو خاص طور پر نوجوان چہرے بھی شامل ہیں۔

یہاں سے پی ڈی پی کے سینیئر لیڈر اور سابق وزیر عبدالرحمان ویری کے فرزند تصدق ویری بھی میدان میں بطور پی اے جی ڈے امیدوار کھڑے ہیں جبکہ نیشنل کانفرنس کے سابق وزیر مرحوم عبدالغنی ویری کے فرزند طارق احمد ویری بھی بطور آزاد امیدوار میدان میں کھڑے ہیں۔

ای ٹی وی بھارت کے نمائندے نے دونوں امیدواروں کے ساتھ بات کی اور پولنگ عمل کا بھی جائزہ لیا۔