'ماہ رمضان میں ضروری اشیاء کی فراہمی کو یقینی بنائیں'

جموں و کشمیر کے ضلع ترقیاتی کمشنر اننت ناگ ڈاکٹر پیوش سنگلا نے ماہ رمضان المبارک کے انتظامات کے سلسلے میں مختلف محکموں سے وابستہ ضلع افسران کے ساتھ ایک میٹنگ کی۔

ضلع ترقیاتی کمشنر اننت ناگ ڈاکٹر پیوش سنگلا نے میٹنگ کے دوران متعلقہ افسران کو ہدایت دیتے ہوئے کہا کہ وہ ماہ رمضان اور بیساکھی تہوار کے دوران تمام ضروری اشیاء کی فراہمی کو یقینی بنائیں۔

انہوں نے افسران پر زور دیا کہ وہ ماہ رمضان کے دوران راشن، رسوئی گیس، مٹی کے تیل کا اسٹاک دستیاب رکھیں اور بجلی کی سپلائی کو یقینی بنائیں تاکہ افطاری اور سحری کے دوران لوگوں کو مشکلات کا سامنا نہ کرنا پڑے۔

انہوں افسران کو مزید ہدایت دیتے ہوئے کہا کہ وہ ماہ رمضان کے دوران مستقل مارکیٹ کریں تاکہ اشیاء خوردنی کی قلت پیدا نہ ہو اور قیمتوں کو اعتدال میں رکھا جائے۔

ڈی سی نے افسران سے کہا کہ وہ کھرم، کعبہ مرگ اور عیش مقام درگاہوں پر پانی کے ٹینکرس دستیاب رکھیں۔