بڈگام پولیس نے ضلع کے ماہر کھلاڑیوں کو خطاب سے نوازا

جموں و کشمیر کے ضلع بڈگام میں پولیس نے ماہر کھلاڑیوں کو خطاب سے نوازا۔ یہ وہ کھلاڑی ہیں جنہوں نے مختلف کھیلوں میں نمایاں کارکردگی انجام دی ہے۔

اس موقع پر ایس ایس پی بڈگام طاہر سلیم خان نے کھلاڑیوں کو منفرد کارنامہ انجام دینے پر مبارکباد دی اور ساتھ ہی امید کا اظہار کیا کہ وہ دوسرے نوجوانوں کو بھی کھیلوں کی سرگرمیوں میں شامل کرنے میں اہم کردار نبھائیں گے۔ ساتھ ہی ان کی حوصہ افزائی بھی کریں گے۔

انہوں نے یہ بھی کہا کہ کھیل کسی فرد کی مجموعی شخصیت کی نشوونما میں اہم کردار ادا کرتا ہے اور نوجوانوں کی توانائی کو بروئے کار لانے کے لیے ان کو منفی قوتوں سے دور رکھنے کے لیے اہم ہے۔