سسرال سے نقد و سونے کے زیورات لے کر دلہن فرار

لارنو کے اقبال پورہ کھریٹی کے رہنے والے عاشق حسین نے بتایا کہ ان کی شادی رواں سال اگست میں ہوئی تھی۔ ان کی بیوی، جو رامبن ضلع کے بٹوٹ کی رہنے والی ہے، 31 اکتوبر کو اس وقت لاپتہ ہو گئی تھی، جب وہ کام کی غرض سے گھر سے باہر تھے۔

کوکرناگ کے کھریٹی لارنو میں 31 اکتوبر کو ایک دلہن مبینہ طور پر اپنے سسرال سے نقد اور سونے کے زیورات لے کر فرار ہوگئی۔ جبکہ اس کے شوہر عاشق حسین نے اپنی دلہن کے خلاف لارنو کے پولیس اسٹیشن میں شکایت درج کرائی ہے۔

لارنو کے اقبال پورہ کھریٹی کے رہنے والے عاشق حسین نے بتایا کہ ان کی شادی رواں سال کے 17-18 اگست کو ہوئی تھی۔ انہوں نے کہا کہ ان کی بیوی، جو رامبن ضلع کے بٹوٹ کی رہنے والی ہے، 31 اکتوبر کو اس وقت لاپتہ ہو گئی تھی، جب وہ کام سے باہر تھے۔

شوہر نے مزید بتایا کہ بیوی کے چوری چھپے چلے جانے کا شبہ انہیں جب ہوا تو انہوں نے فوراً سامان چیک کیا، جہاں انہوں نے نقد چالیس ہزار روپے کے علاوہ، دو لاکھ پچاس ہزار مالیت کے طلائی زیورات غائب پائے جس کے بعد انہوں نے پولیس اسٹیشن میں شکایت درج کرائی۔ اس تعلق سے پولیس نے انہیں یقین دلایا ہے کہ وہ اس خاتون کا پتہ لگالیں گے۔۔