وائلڈ لائف کے اہلکار کئی دنوں سے ریچھ کو پکڑنے کی کوشش کررہے تھے تاہم آج ریچھ کو پکڑنے میں کامیابی حاصل ہوئی۔ ریچھ کو پکڑنے کےلیے علاقے میں کچھ روز قبل پنجرے کو رکھا گیا تھا تاہم گزشتہ شب ایک بڑا ریچھ پنجرے میں پھنس گیا۔
ریچھ کے پکڑنے جانے کے بعد مقامی لوگوں نے راحت کی سانس لی۔ مقامی شخص غلام محی الدین شیخ نے بتایا کہ ریچھ نے علاقے میں دہشت پھیلا رکھی تھی اور لوگ باغات میں جانے سے کترا رہے تھے۔
انہوں نے وائلڈ لائف اہلکاروں کے شکریہ ادا کیا۔ انہوں نے کہا کہ علاقے میں مزید ریچھ بھی گھوم رہے ہیں جنہیں فوری طور پر پکڑنا ضروری ہے تاکہ لوگوں کو مشکلات سے نجات مل سکے۔
یہ بھی پڑھیں:
ترال: ریچھ کے حملے میں تین افراد زخمی
ای ٹی وی بھارت سے بات کرتے ہوئے وایلڈ لایف ترال کے ایک عہدیدار محمد یوسف نے بتایا کہ اطلاع ملتے ہی انہوں نے اپنی ٹیم کے ساتھ سیموہ علاقے میں کیج نصب کیے جس دوران یہ ریچھ قابو کیا گیا ہے۔ انہوں نے عوام سے اپیل کی کہ جنگلی جانوروں کے ساتھ چھیڑ چھاڑ نہ کرے بلکہ محکمے کو مطلع کریں جسکے بعد ہم اسے قابو کریں گے۔ انھوں نے مزید بتایا کہ رواں سال تقریبا آٹھ ریچھ ترال علاقے میں پکڑے گئے ہیں۔
