سی پی آئی ایم کے سینیئر رہنما محمد یوسف تاریگامی نے ضلع اننت ناگ میں پرس کانفرنس میں کہا ہے کہ بی جے پی(BJP) کے قول و فعل میں کافی تضاد پایا جا رہا ہے، کیونکہ یہ جماعت کہتی کچھ ہے اور کرتی کچھ اور ہے۔
محمد یوسف تاریگامی نے کہا کہ دفعہ 370 (Article 370) کے خاتمے کے بعد سے بی جے پی جموں کشمیر کا ریاستی درجہ بحال (Restoration of Statehood) کرنے اور اسمبلی انتخابات (Assembly Elections) کے انعقاد کے حوالے سے عوام کو گمراہ کر رہی ہے۔
انہوں نے کہا مرکزی حکموت (Central Government) کے مطابق جموں کشمیر میں بہت تیزی سے ترقی (Development In Kashmir) ہو رہی ہے مگر زمینی سطح پر حقائق کچھ اور ہی ہے۔
پی اے جی ڈی کے ترجمان محمد یوسف تاریگامی کے مطابق (PAGD Spokesperson) مرکزی حکومت کے نئے نئے قوانین سے جموں کشمیر کے عوام خوفزدہ ہوگئے ہیں۔
تاریگامی کے مطابق' کشمیر میں نوجوانوں کو تنگ کیا جا رہا ہیں۔ مرکزی حکومت نے کشمیر میں بات کرنے کی آزادی (Freedom Of Expression)کو ختم کر دیا ہے'۔
مزید پڑھیں:جموں و کشمیر کے لوگوں کے لیے شانہ بشانہ لڑیں گے: محمد یوسف تاریگامی
انہوں نے کہا کہ آرٹیکل 370 کی منسوخی کے بعد کشمیریوں اور دلی کے بیچ دوریاں بڑھ رہی ہیں نہ کہ ختم ہو رہی ہیں۔
پرس کانفرنس میں پارٹی کے سکریٹری غلام نبی ملک و دیگر لیڈران بھی موجود رہے۔
