ایک ایسا پولنگ بوتھ جہاں ووٹرز نہیں پہنچے

ضلع اننت ناگ کے وانی ہامہ علاقے کے پولنگ بوتھ میں ابھی تک کوئی بھی ووٹ نہیں ڈالا گیا ہے۔

وانی ہامہ علاقے میں رائے دہندگان کی مجموعی تعداد 1030 ہے۔تاہم یہاں ابھی تک کوئی بھی ووٹر ووٹ ڈالنے کے لیے اپنے گھر سے نہیں نکلا ہے۔

اس علاقے میں ایک ووٹنگ مرکز قائم کیا گیا جو خالی نظر آرہا ہے، یہ علاقہ ضلع صدر مقام اننت ناگ سے محض چار کلو میٹر کی دوری پر واقع ہے۔

علاقے میں پولنگ مرکز پر پتھراؤ بھی کیا گیا تاہم وہاں پر مامور سکیورٹی فورسز نے حالات پر قابو پالیا۔

وہیں ضلع کے برینٹی دیالگام ،دہرنہ کوکرناگ،ولرہامہ پہلگام علاقوں میں بھی پتھراؤ کے معمولی واقعات رونما ہونے کی اطلاع موصول ہوئی ہے۔