جموں وکشمیر: ایئر وائس مارشل سنہا کی گورنر سے ملاقات

ائیر افسر کمانڈنگ جموں وکشمیر ائیر وائس مارشل پنکج موہن سنہا نے آج راج بھون میں گورنر ستیہ پال ملک کے ساتھ ملاقات کر کے ریاست میں انڈین ائیر فورس کی ذمہ داریوں سے متعلق انہیں آگاہ کیا۔

گورنر نے انڈین ائیر فورس کی جانب سے ریاست میں پیشہ وارانہ طریقہ پر فرائض انجام دینے کی سراہنا کی اور ریاست کے دور دراز علاقوں میں رہنے والے لوگوں کو ائیر فورس کی جانب سے فراہم کی جانے والی مدد کی بھی تعریف کی۔