اچھہ بل: چیئرمین کو بااختیار نہیں بنانے پر میونسپل آفس کے گیٹ پر تالا لگایا

جموں و کشمیر کے شمالی علاقے اننت ناگ ضلع کے اچھہ بل میں کونسلرس نے چیئرمین کو با اختیار نہیں بنائے جانے سے ناراض ہوکر میونسپل آفس کے مین گیٹ پر تالا لگایا دیا۔

چیئرمین میونسپل کمیٹی اچھہ بل امتیاز احمد اور ان کے ساتھ باقی کونسلرس نے آج میونسپل کمیٹی اچھہ بل کے مین گیٹ کو تالا لگالیا۔ ضلع انتظامیہ سے اپنی ناراضگی کا اظہار کرتے ہوئے کہا کہ جس مقصد کے لئے چیئرمین کی تقرری عمل میں لائی گئی تھی وہ بالکل بے سود نکلا اور ساتھ ہی ساتھ تحصیل دار اننت ناگ کو ایگزیکٹو پاورس دیے گے تھے کہ وہ میونسپل کمیٹی اچھہ بل کی دیکھ ریکھ کریں۔ مگر بدقسمتی کی وجہ سے وہ بھی صرف کبھی کبھار ہی میونسپل کمیٹی اچھہ بل آتے ہیں جس کی وجہ سے عوام کے ساتھ ساتھ چیئرمین کو بھی مشکلات کا سامنا کرنا پڑتا ہے۔

اس لئے آج ہم اس نتیجے پر پہنچے کہ جب تک چیئرمین کو پوری طرح با اختیار نہ بنایا جائے اور تحصیلدار اننت ناگ میونسپل کمیٹی اچھہ بل کا خاص خیال نہ رکھے تب تک ہم تالا نہیں کھولیں گے۔