جموں و کشمیر کے ضلع اننت ناگ میں آنگن واڑی ورکرز اور ہیلپرس یونین نے حکومت اور ایل جی انتظامیہ کے خلاف احتجاجی مظاہرہ کیا۔ آنگن واڑی ورکرز نے حکومت سے ان کے بقایہ جات جلد از جلد واگزار کرنے کا مطالبہ کیا ہے۔
آنگن واڑی ورکرز کا کہنا ہے کہ سرکار کی جانب سے ان کے مطالبات منظور نہیں کیے جانے کی وجہ سے انہیں طرح طرح کے مشکلات سے دو چار ہونا پڑ رہا ہے۔
آنگن واڑی ورکرز اور ہیلپرس نے ایل جی انتظامیہ کے خلاف کیا احتجاج
مزید پڑھیں:بجبہاڑہ: ڈمپنگ سائٹ عوام کے لیے تکلیف کا سبب
احتجاجیوں نے مزید کہا کہ سرکار ان کو فاقہ کشی کرنے پر مجبور کر رہی ہے۔ لہذا ان کی حکومت سے مطالبہ ہے کہ ملک کے دیگر ریاستوں کی طرح یوٹی کشمیر میں بھی ان کی تنخواہوں میں اضافہ کیا جائے اور وقت پر ان کی ادائیگی ہو۔
انہوں نے حکومت سے یہ بھی دعوی کیا ہے کہ اگر حکومت ان کے مطالبات کو پورا نہیں کرتی ہے تو ان کا یہ احتجاجی مظاہرہ جاری رہے گا۔
