دوا کمپنی کے منیجر کی لاش برآمد

اترپردیش میں پرتاپ گڑھ ضلع ہیڈکواٹر واقع تھانہ سٹی کوتوالی علاقے کے شہر کے ایک ہوٹل کے کمرے میں گزشتہ شب مشتبہ حالت میں دوا کمپنی کے منیجر کی لاش پائی گئی۔

ایڈیشنل پولیس سپرنٹنڈنٹ مشرقی سریندر دیویدی نے بتایا کہ شہر کے اسٹیشن روڈ واقع ہوٹل ساوتری کے کمرے میں دوا کمپنی کے منیجر ششر ورما( 45) کی لاش پائی گئی۔

وہ گزشتہ تین روز سے اس ہوٹل میں ٹھہرے ہوئے تھے ۔گزشتہ شب کمرے کے باہر سے آواز دینے پر جواب نہ ملنے کے سبب ماسٹر کی سے دروازہ کھولا گیا تو بیڈ پر انکی لاش پڑی تھی۔

پولیس نے لاش کو پوسٹ مارٹم کیلئے ضلع ہسپتال بھیج دیا ہے۔ پوسٹ مارٹم ریورٹ کے بعد ہی موت کا سبب معلوم ہو سکے گا۔