ہوٹل میں آگ لگنے سے مچی افرا تفری

اترپردیش کے ضلع پریاگ راج کے سول لائنس علاقے کے ایک ہوٹل میں سنیچر کو آگ لگنے سے افرا تفری مچ گئی۔

سینئر فائر بریگیڈ افسر لال جی گپتا نے بتایا کہ سول لائنس فائر بریگیڈ چوراہے کے کملا نہرو روڈ پر واقع ایک ہوٹل کے کچن میں صبح چار بجے آگ لگ گئی۔ آگ لگنے سے ہوٹل میں افراتفری مچ گئی۔ دمکل کی دوگاڑیوں اور ملازمین نے تقریبا آدھے گھنٹے کی کوشش کے بعد آگ پر قابو حاصل کیا۔
مسٹر گپتا نے بتایا کہ کچن میں چار کمرشیل سلنڈر رکھے تھے۔ شبہ کیا جارہا ہے کہ رات میں ہوٹل ملازمین نے پنکھا بند نہیں کیا تھا۔ وہ ساری رات چلتا رہا۔ اچانک اس میں کسی قسم کی شارٹ سرکٹ ہوا ہوگا اور آگ لگ گئی۔انہوں نے بتایا کہ کچن میں رکھا سارا سامان جل کر راکھ ہوگیا۔ کسی قسم کی جانی نقصان نہیں ہوا ہے۔