جے این ایم سی کے شعبہ سرجری کے زیر اہتمام پتے کی پتھری اور گال بلیڈر کے امراض پر دو روزہ کانفرنس منعقد کرنے کا فیصلہ کیا گیا ہے۔
یہ کانفرنس کاؤنٹنگ میڈیکل ایجوکیشن(سی ایم ای) پر 21 ستمبر ہوگی۔
جواہر لعل نہرو میڈیکل کالج ( جے این ایم سی) علیگڑھ مسلم یونیورسٹی کے شعبہ سرجری کے جانب سے آئندہ 21 ستمبر سے انڈین چیپٹر آف عالمی ہیپیٹو پینسر و بلری ایسوسی ایشن ( آئی ایچ پی بی اے) کے تعاون سے پتے کی پتھری اور گال بلیڈر سے متعلق امراض پر دو روزہ قومی سی ایم ای پر کانفرنس کا انعقاد کیا جائے گا۔
سمینار میں ملک کے نامور معالجین پتے میں پتھری اور کینسر کے علاوہ وہ صفرا کی نالی پر گفتگو کریں گے اور جدید ترین علاج کے ساتھ ہی شمالی ہند میں اس کے پھیلاؤ کے اسباب پر غور وخوض کریں گے۔
شعبہ سرجری کے چیئرمین اور سی ایم ای کے آرگنائزنگ سیکریٹری پروفیسرایس امجد علی رضوی، آرگنائزنگ صدر پروفیسر محمد حبیب رضا، معاون آرگنائزنگ سیکرٹری پروفیسر عطیہ ذکا، جوائن آرگنائرنگ سکرٹری ڈاکٹر واصف ایم علی اور خازن ڈاکٹر ایم صادق اختر نے سی ایم ای کے بارے میں معلومات فراہم کیں۔
پروفیسر امجد علی رضوی نے بتایا کہ سی ایم ای میں شریک ہونے والے ڈاکٹروں کو سائنسی تجربہ فراہم کرانے اور جدید سرجیکل تکنیکوں سے روبرو کرانے کے لیے اس سمینار میں ملک کے پچیس نامور سرجنوں کو مدعو کیا گیا ہے۔
اس میں خاص طور سے گنگا رام اسپتال نئی دہلی کے ڈاکٹر سمیرن نندی اور ڈاکٹر کے ایم ای اینڈ سائنس اسپتال کے ڈاکٹر اویناش سوپے، پی جی آئی ایم ای آر چنڈی گڑھ کے پروفیسر ٹی ڈی یادو بھی شامل ہوں گے۔ انہوں نے بتایا کہ سی ایم ای میں تقریبا 350 معالجین شرکت کریں گے۔
سی ایم ای کی افتتاحی اجلاس 21 ستمبر کو شام 5:15 پر میڈیکل کالج کے آڈیٹوریم میں منعقد ہوگا جس میں وائس چانسلر پروفیسر طارق منصور بطور مہمانِ خصوصی اور پرو وائس چانسلر پروفیسر اختر حسیب بطور مہمان اعزازی شریک ہونگے۔
