'بی جے پی کا نعرہ تو سب کا ساتھ، سب کا وکاس، سب کا وشواس، ہے'

علی گڑھ یونیورسٹی کے صد سالہ جشن کے موقع پر وزیر اعظم کے پروگرام کی اطلاع ملنے پر علی گڑھ مسلم یونیورسٹی کے کچھ طلبہ نے وزیر اعظم کے آن لائن خطاب کی مخالفت شروع کی ہے، جس کے پیش نظر کابینی وزیر سدھارتھ ناتھ سنگھ نے مرادآباد میں میڈیا سے کہا کہ' یہ سب فرقہ پرست لوگ ہیں 'بی جے پی کا نعرہ تو سب کا ساتھ سب کا وکاس سب کا وشواس ہے'۔

ریاست اترپردیش کے ضلع علی گڑھ میں واقع ملک کا معروف ادارہ علی گڑھ مسلم یونیورسٹی کے صد سالہ جشن کے موقع پر وزیر اعظم نریندرمودی 22 دسمبر کو آن لائن خطاب کریں گے۔ صد سالہ جشن کے تعلق سے وزیر اعظم کے پروگرام کی اطلاع ملنے پر علی گڑھ مسلم یونیورسٹی کے کچھ طلبہ نے وزیر اعظم کے آن لائن خطاب کی مخالفت کی ہے۔

ان معاملات کے پیش نظر کابینی وزیر سدھارتھ ناتھ سنگھ نے مرادآباد میں میڈیا سے کہا کہ' یہ سب فرقہ پرست لوگ ہیں 'بی جے پی کا نعرہ تو سب کا ساتھ سب کا وکاس سب کا وشواس ہے'۔

انہوں نے کہا کہ' کانگریس دور حکومت میں کئی وزیر اعظم بنے۔ لیکن علی گڑھ مسلم یونیورسٹی کا دورہ لال بہادر شاستری نے سنہ 1964 میں کیا اس کے بعد وہاں کوئی کیوں نہیں گیا ؟ اس کا جواب تو کانگریس والوں کو ہی دینا چاہیے۔

زرعی قوانین کے خلاف کسانوں کے احتجاج اور دھرنے کے سوال پر انہوں نے کہا کہ کسانوں سے ابھی بات چیت چل رہی ہے اس پر میں ابھی کچھ نہیں کہ سکتا۔