ریاست اترپردیش کے دارلحکومت لکھنؤ میں واقع سروجنی نگر علاقے میں اے ٹی ایس ہیڈکوارٹر پر منگل کی صبح ایک کانسٹیبل نے سرکاری اسلحہ سے خود کو گولی مار کر خود کشی کر لی۔
پولیس ذرائع نے اس بات کی اطلاع دی۔بتایا گیا کہ ضلع گورکھپور کے گگاه علاقے کے رہنے والے کانسٹیبل برجیش کمار نے اے ٹی ایس ہیڈ کوارٹر کی بیرک میں صبح تقریباً چار بجے خود کو گولی مار لی، جس سے اس کی موت ہو گئی ۔
مذکورہ کانسٹبل 2006 میں پولیس میں بھرتی ہوا تھا۔ خودکشی کی وجوہات کا فوری طور پر پتہ نہیں چل سکا۔ موقع سے کوئی سوسائڈ نوٹ نہیں ملا۔ واقعہ کی اطلاع کے بعد محکمہ کے اعلی افسران موقع پر پہنچے اور اس کے ساتھیوں سے پوچھ گچھ کی۔ پولیس اس معاملے کی چھان بین کر رہی ہے۔
