اس سلسلے میں منعقدہ ایک تقریب سے خطاب کرتے ہوئے اے ایم یو کے پرو وائس چانسلر پروفیسر اختر حسیب نے کہا کہ مولانا آزاد لائبریری نے یہ اعزاز اپنی امتیازی خصوصیات کی بدولت حاصل کیا ہے۔ پروفیسر اختر حسیب نے کہا آئی ایس او سرٹیفیکیٹ کوالٹی مینجمنٹ سسٹم کا ثبوت ہے جسے مولانا آزاد لائبریری نے اپنایا ہے، جہاں اساتذہ،طلبہ اور اسکالز کی علمی و تحقیقی ضروریات کی تکمیل ہوتی ہے۔ انہوں نے کہا کہ اے ایم یو کے لیے یہ باعث افتخار ہے کہ اس کی مرکزی لائبریری اب بھارت کی اُن چنندہ یونیورسٹیز کی لائبریریز میں شامل ہوں گی ہے جنہیں آئی ایس او 9001: 2015 سرٹیفکیشن ملا ہے۔
اس موقع پر مہمانوں کا خیر مقدم کرتے ہوئے یونیورسٹی لائبریرین ڈاکٹر امجد علی نے کہا کہ آئی ایس او سرٹیفکٹ کا حصول دوسالہ محنت کا نتیجہ ہے۔ انہوں نےکہا 2015 میں این اے اے سی کی ٹیم نے مولانا آزاد لائبریری کو سبھی بھارتی یونیورسٹیز کی لائبریریز میں ممتاز لائبریری قرار دیا تھا۔
اس موقع پر آفتاب عالم نے آئی ایس او 9001: 2015 کا سرٹیفکٹ پرو وائس چانسلر پروفیسر اختر حسیب کو پیش کیا جب کہ ڈاکٹر ایم یوسف نے اظہار تشکر کیا۔ اسلم مہدی نے اجلاس کی نظامت کی۔
