گذشتہ برس کورونا وبا کے سبب رمضان المبارک جیسے مقدس ماہ میں بھی بازاروں اور مسجدوں میں رونق دیکھنے کو نہیں ملی اور اب رواں برس بھی کورونا کے دوبارہ بڑھتے کیسز کے سبب علی گڑھ ڈی ایم نے بازاروں کے لئے نئی گائیڈ لائن جاری کی ہے، جو کل سے نافذ کی جائے گی۔
ضلع علی گڑھ میں گذشتہ روز 40 اور اس سے قبل 62 کورونا کے کیسز درج ہوئے۔ ضلع علی گڑھ میں کل 279 ایکٹیو کیس ہیں۔ ان حالات کے پیش نطر ڈی ایم نے نئی گائیڈ لائن جاری کی ہے۔
1- ضلع علی گڑھ کے سبھی جم، سوئمنگ پل اور پارک بند رہیں گے۔
2- دودھ، پھل، سبزی اور کرانہ کی دکان دو وقت کھلیں گی صبح 6 سے 11 اور شام 5 سے 8 بجے تک۔ صبح 11 بجے سے 5 بجے تک اور رات 8 بجے کے بعد کھلنے والی دکانوں کے خلاف ایکشن لیا جائے گا۔
3- ریسٹورنٹ اور بار صبح 11 بجے سے رات 9 بجے تک کھلیں گے۔ رات 9 بجے کے بعد کھلنے والوں پر ایکشن لیا جائے گا۔
4-ہسپتال، میڈیکل اسٹور، دواؤں کی دکانوں پر کوئی پابندی نہیں۔
5- سبھی دکانداروں سے اپیل ہے کہ وہ بنا ماسک کے کسی کو بھی سامان نہ دیں اور اپنی دوکان کے سامنے گول گھیرے بنائے۔
