ریاست راجستھان کے اجمیر ضلع میں عالمی وبا کورونا وائرس کے 32 نئے معاملے سامنے آئے ہیں جس سے ضلع میں متاثرہ افراد کی تعداد 1292ہوگئی ہے۔
چیف میڈیکل اینڈ ہیلتھ آفیسر ڈاکٹر کے کے سونی کے مطابق ان نئے معاملات کے بعد ضلع میں کورونا سے متاثرین کی تعداد بڑھ کر 1292 ہوگئی۔ کے کے سونی نے بتایا کہ سب سے زیادہ نئے معاملے پہاڑ گنج، ویشالی نگر کے علاوہ مختلف علاقوں سے ہیں۔
انہوں نے بتایا کہ اب تک کورونا کے 743 مریض صحت یاب ہوکر گھر جا چکے ہیں جبکہ 521 فعال مریض ہیں۔ انہوں نے بتایا کہ ضلع میں اب تک 28 مریضوں کی موت ہو چکی ہے۔
ملک بھر میں عالمی وبا کورونا وائرس سے 12لاکھ کے قریب افراد متاثر ہو چکے ہیں جن میں ساڑھے سات لاکھ سے زائد افراد صحت یاب ہو چکے ہیں۔ وہیں اس وبا سے مرنے والوں کی تعداد 28ہزار سے تجاوز کر چکی ہے۔
