ریاست راجستھان، ضلع اجمیر کے مارٹنڈل برج پر خواجہ سراؤں کے دو گروپ کے مابین تنازع ہونے سے ایک گروپ نے برج پر ہی کپڑے اتار کر مظاہرہ کیا، جسکی ویڈیوز بھی سوشل میڈیا پر وائرل ہورہی ہے۔
تنازع کے بعد خواجہ سراؤں کے دونوں گروپ نے پولیس اسٹیشن میں بھی شکایت درج کروائی ہے۔
تفصیلات کے مطابق اجمیر کے اصلی خواجہ سرائے بدھائی دیکر لوٹ رہے تھے کہ انکا فرضی خواجہ سراؤں سے مارٹنڈل برج پر سامنا ہوگیا، جن کے مابین علاقے کے تعلق سے جھگڑا شروع ہوگیا، تنازع کے دوران ہی تین خواجہ سراؤں نے اپنے کپڑے اتار کر مظاہرہ شروع کر دیا۔
خواجہ سراء کے ایک گروہ نے دوسرے گروہ پر فرضی ہونے کا الزام لگاتے ہوئے کہا کہ وہ جعلی سموڈی اور سرسوتی تھا اور بدھائی کے نام پر وہ بدسلوکی کرتا تھا، جعلی خواجہ سراء نے اصلی خواجہ سراء جہانوی کی پٹائی کرنے کے ساتھ ساتھ اسکا 35 ہزار روپے اور سونے کی زنجیر بھی لوٹ لی۔
کلاک ٹاور پولیس اسٹیشن میں بھی اس ضمن میں رپورٹ درج کرائی گئی ہے، سی آئی دنیش کماوت نے بتایا کہ دونوں طرف سے رپورٹ درج کرکے کیس کی تحقیقات کی جارہی ہے۔
