انڈین نیشنل کانگریس پارٹی کی سربراہ سونیا گاندھی کا پیغام اور ان کے بیٹے راہل گاندھی کی جانب سے حضرت خواجہ معین الدین چشتی کے 810ویں عرس مبارک پر Urs of the Gharib Nawaz چادر پیش کی گئی۔
ریاست راجستھان کے وزیراعلی اشوک گہلوت یہ عقیدت کی چادر لے کر اجمیر شریف درگاہ پہنچے، جہاں انہوں نے ملک کی عوام کے نام سونیا گاندھی اور راہل گاندھی کا ایک پیغام بھی پڑھ کر سنایا گیا اور تمام ہم وطنوں کو عرس کی مبارکباد بھی پیش کی۔Sonia Gandhi Offers Chadar at Ajmer Sharif
خواجہ غریب نواز کی درگاہ پر سونیا اور راہل گاندھی کے چادر کو کانگریس پارٹی کے رہنما اجے ماکن، کانگریس اقلیتی محکمہ کے چیئرمین عمران پرتاب گڑھی اور راجستھان کے وزیراعلیٰ اشوک گہلوت لے کر پہنچے۔
دربار میں چادر پیش کیے جانے سے قبل پولیس حفاظتی کے پختہ انتظامات کیے گئے تھے، درگاہ نظام گیٹ سے جنتی دروازہ تک ہجوم سے خالی کرادیا گیا تھا، راہ آستانہ تک وزیر اعلیٰ اشوک گہلوت اور ان کے وفد کو حفاظتی دستے کے ساتھ چادر پوشی کے لیے پہنچایا گیا۔
یہ بھی پڑھیں: Tribute to Lata Mangeshkar: اجمیر درگاہ پر لتا منگیشکر کو خراج عقیدت
درگاہ حاضری کے بعد تمام کانگریس کے لیڈران بلند دروازہ پر جمع ہوئے اور ملک کی عوام کے نام کانگریس پارٹی اور سونیا گاندھی کا پیغام بھی پڑھ کر سنایا گیا اور ملک کی عوام کو نفرت کی سیاست سے محفوظ رہنے اور بھارت کی ترقی، کامیابی اور بھائی چارہ قائم رہنے کی دعا بھی کی گئی۔
عمران پرتاب گڑھی نے تویٹ کیا کہ آج محترمہ سونیا گاندھی کے پیغام اور راہل گاندھی کی طرف سے بھیجی گئی چادر کے ساتھ خواجہ غریب نواز کے دربار پر پہنچے، جہاں سونیا جی کا پیغام پڑھا اور ملک کی خوشحالی اور امن کے لیے دعا کی۔ وزیر اعلی اشوک گہلوت اور اجے ماکھن نے چادر کو مزار تک پہنچایا۔
خواجہ صاحب کے عرس مبارک میں درگاہ کی جانب سے وزیراعلیٰ اور ان کے وفد کی دستار بندی بھی کی گئی اور درگاہ کا تبرک بھی پیش کیا گیا، اس موقع پر درگاہ کمیٹی اور انجمن سید زادگان کے نمائندوں نے بھی وفد کا استقبال کیا۔
