خواجہ اجمیری کی درگاہ میں حادثہ

بین الاقوامی شہرت یافتہ درگاہ خواجہ معین الدین حسن چشتی کی درگاہ میں گذشتہ روز ایک حادثہ پیش آیا جس کے نتیجے میں چار زائرین زخمی ہوگئے۔

دراصل گذشتہ روز بعد نماز عصر و مغرب سے قبل احمدیہ دالان کے نزدیک زائرین دعائیں مانگ رہے تھے کہ اچانک احمدیہ دالان کی چھت کا پلاسٹر گر گیا جس کے نتیجے میں 4 زائرین زخمی ہوئے، زخمی زائرین کو علاج کے لیے ہسپتال بھیجا گیا۔

احمدیہ دالان کی چھت گرنے کے بعد درگاہ کے خادموں نے اتنظامیہ کمیٹی پر لاپرواہی کا الزام عائد کرتے ہوئے کہا کہ' کمیٹی کو کئی مرتبہ کمزور عمارت کے تعلق سے آگاہ کرایا جا چکا ہے، لیکن وہ اس کے طرف دھیان ہی نہیں دیتے۔انہوں نے کہا کہ' کئی مرتبہ اس تعلق سے درخواست بھی دی گئی پر اس پر کوئی عمل نہیں درآمد نہیں کیا گیا اور اس کا نتیجہ یہ رہا کہ ایک دم سے یہ حادثہ پیش آگیا۔

خادموں نے یہ بھی کہا کی درگاہ کمیٹی کے ناظم شکیل احمد اور داروغہ کو بھی موقع کا معائنہ کرایا گیا مگر اس کے بعد بھی کوئی ٹھوس قدم نہیں اٹھایا گیا۔