راجستھان میں ریٹ کا امتحان جاری، شام چھ بجے تک انٹرنیٹ خدمات بند

راجستھان حکومت نے ریٹ کے امتحان کے پیش نظر انٹرنیٹ خدمات پر صبح چھ بجے سے شام چھ بجے تک پابندی عائد کرنے کے احکامات جاری کیے ہیں، اس پر حتمی فیصلہ ضلع کے کلکٹر ہی لیں گے۔ اجمیر انتظامیہ نے شام چھ بجے تک انٹرنیٹ بحالی پر پابندی عائد کی ہے۔

راجستھان میں ریٹ امتحان کے دوران آج یعنی 26 ستمبر کو صبح 6 بجے سے شام 6 بجے تک انٹرنیٹ بند رہے گا۔ اس کے لئے راجستھان حکومت نے تمام ضلع انتظامیہ کو ضرورت کے مطابق فیصلہ کرنے کی اجازت دے دی ہے۔ اجمیر ڈویژن کمشنر نے انٹرنیٹ بند رکھنے کے احکامات بھی جاری کیے ہیں۔

اجمیر ضلع میں آج ہو رہے راجستھان بورڈ آف سیکنڈری ایجوکیشن کے زیر اہتمام ریٹ امتحان میں جعلی خبروں، پیپر لیک، افواہ وغیرہ کے مدنظر صورتحال پر اجمیر ضلع میں آج یعنی 26 ستمبر کو صبح 6 بجے سے شام 6 بجے تک انٹرنیٹ سروس بند کرنے کا فیصلہ کیا گیا ہے۔

اجمیر انتظامیہ کی جانب سے جاری کی گئی نوٹس

ڈویژنل کمشنر وینا پردھان نے انٹرنیٹ سروس بند کرنے کے احکامات جاری کیے ہیں۔ انہوں نے کہا کہ امن وامان اور عوامی تحفظ کے پیش نظر وزارات مواصلات حکومت ہند کے نوٹیفیکیشن کے تحت اجمیر ضلع میں انٹرنیٹ خدمات کل 26 ستمبر کو بند رہے گی۔

معلوم ہوکہ آج 26 ستمبر کو راجستھان میں ریٹ کے امتحانات میں 16 لاکھ 51 ہزار کے قریب امیدوار حصہ لے رہے ہیں۔ جس کےمدنظر گہلوت حکومت نے انٹرنیٹ خدمات بند کرنے کا فیصلہ لیا ہے تو وہی تمام امیدواروں کو مفت سفر کی سہولیات بھی فراہم کرائی ہے۔