ریاست راجستھان کے ضلع اجمیر سے اینٹی کرپشن بیورو نے ایک بدعنوان افسر کو گرفتار کر لیا ہے۔ اینٹی کرپشن بیورو کے ڈی ایس پی مہیپال چودھری نے بتایا کہ' تھانہ میں زمین کے جعلی دستاویزات کے مقدمے میں ملوث رشبھ نامی نوجوان سے بابولال نے 1 لاکھ کی رقم طلب کی تھی، جس کی پہلی قسط آج 15 ہزار دی گئی تھی۔
افسر نے بتایا کہ اے ایس آئی بابو لال کی اے سی بی چیک پوسٹ پر شکایت موصول ہوئی تھی، تصدیق کے بعد آج تھانہ کے باہر بنے کیبن پر شکایت کرنے والے ریشبھ سے 15ہزار رشوت لینے والے بابولال کو رنگے ہاتھوں گرفتار کرلیا گیا اور نقدی بھی قبضے میں لے کر تفتیش شروع کردی گئی ہے۔
مزید پڑھیں:
اجمیر: شاطر چور گروہ کا پردہ فاش
عہدیداروں نے بتایا کہ ہمیں کسی اور افسر کی ملی بھگت سے متعلق کوئی اطلاع موصول نہیں ہوئی ہے، لیکن اگر کوئی دوسرا افسر شامل پایا گیا تو اس کو بھی نہیں بخشا جائے گا، وہیں اے سی بی ٹیم بدعنوان اے ایس آئی کو کل عدالت میں پیش کریگی۔
