ریاست راجستھان کے ضلع ناگور سے گزر رہے کشن گڑھ ہنومان گڑھ قومی شاہراہ پر ایک زبردست سڑک حادثے میں چار افراد ہلاک ہو گئے جبکہ ایک شخص شدید طور پر زخمی ہو گیا ہے۔
دو ٹرک میں خطرناک تصادم کے بعد دونوں گاڑیوں میں آگ لگ گئی۔ دو افراد کی جل جانے سے موقع پر ہی موت ہو گئی جبکہ دو افراد نے ہسپتال میں علاج کے دوران دم توڑ دیا۔
زخمی شخص کو علاج کے لیے جےپور ریفر کیا گیا ہے۔ حادثے کی اطلاع ملتے ہی لاڈنو کے تھانہ انچارج گنیش رام اور ڈیڈوانہ کے اے ایس پی موقع پر پہنچے۔
یہ بھی پڑھیں:
پائلٹ کی حمایت میں تین ضلعی صدور کا استعفیٰ
آگ پر قابو پانے کے لیے فائر بریگیڈ کی مدد لی گئی۔ دونوں ٹرکوں کو سڑک سے ہٹا دیا گیا ہے۔ ایک ٹرک اجمیر کی جانب سے آ رہا تھا تو دوسرا ٹرک گنگا نگر کی جانب سے آ رہا تھا۔ ایک ٹرک میں گندم اور دوسری میں بجری تھی۔
پولیس کے مطابق متوفی کی لاش بری طرح سے جھلس جانے کی وجہ سے فی الحال ان کی شناخت نہیں ہو پائی ہے۔ گاڑی کے بمبروں سے ان کی شناخت کرنے کی کوشش کی جارہی ہے۔
